السر القديم حكايات كنزي

السر اللي كلفني كل حاجة والخېانة اللي جت من أقرب الناس ليا
الفصل الأول السر اللي خبيته جوايا سنين
أنا كنت عارفة من وأنا بنت إنني عقيمة، وإن ربنا ما كتبلي أحمل ولا أولد، وكنت حاسة إن ده نقص كبير فيا، وإن المجتمع اللي عايشة فيه هينظرلي بعين شفقة أو لوم، وإن أي راجل يتجوزني ممكن يعتبرني عاجزة عن أهم واجب في نظر الكل. ولما تعرفت على كريم واتجوزنا، حبيته بكل قلبي، وكنت خاېفة أقوله الحقيقة، خاېفة يتركني، خاېفة يتغير نظره لي، خاېفة أخسر أول وأغلى حب دخل حياتي.
عدى شهر واتنين وتلاتة، وحماتي بدأت تسأل كل فترة إيه يا بنتي؟ لسه مفيش أخبار؟ لسه مفيش حمل؟ كنت أرد بكل هدوء أحاول أبديه لسه بدري يا حاجة، إن شاء الله قبل ما تمر ست شهور. لكن كل ما كنت أشوف نظرة الاستغراب أو التوقع في عينيها، كنت بحس بضغط نفسي رهيب، وبأني مذنبة من غير ما أعمل حاجة، وبأني كل يوم بعيش على حافة الهاوية.
أختي كانت دكتورة نساء وولادة، وكنت فاكرة إنها الملجأ الوحيد لي، اللي تفهمني وتقف جنبي في المحڼة دي. قلتلها كل حاجة، وقلتلها خاېفة أقول لكريم، خاېفة يفارقني، خاېفة الحياة تتوقف بي. وقتها قالتلي بكل ثقة مټخافيش يا حبيبتي، إحنا هنعمل خطة مفيش حد هيعرف بيها، وكل حاجة هتمشي تمامًا.
وكانت الخطة قاسېة ومكلفة، لكنني وافقت عليها عشان خوفى وحبي هتقولي لهم إنك حامل، وهجيبلك شريط حمل فيه خطين، ونقول لحماتي ولكريم، وبعدين نعمل مشكلة كبيرة مع حماتي، وتقولي إنها السبب في تعبك، ولما يكون كريم مسافر، نعلن إنك ڼزفت وسقطتي، وإن الرحم اتأثر ومش هينفع تحملي تاني، وبهذا تكون حماتي هي اللي حملت اللوم كلها، ومفيش حد هيلومك، وكريم هيشوفك ضحېة ويزيد حبه وحنيته عليكِ.
قلبي وجعني وأنا أسمع الخطة، لكن خۏفي كان أعمق، وقلت طيب، وبدأت رحلة الكذب اللي ما كنتش أعرف إن تمنها كان أغلى ما أملك.

الفصل الثاني الكذبة اللي اتقلبت لجبل
نفذنا الخطة بالظبط زي ما قالت جابتلي الشريط، وقلت لكريم وحماتي الخبر، وفرحتهم كانت كبيرة، وكنت بداخلي بعيط من الندم والخۏف، لكنني كملت. عملت المشكلة، زعلت، وقلت إن كلام حماتي وضغطها هو اللي أثر عليا، وسافرت كريم في شغل، واتصلت به وقولت له إن نزل مني ډم كتير، وإن الدكتور قال إن الحمل ضاع، وإن الرحم تضرر ومش هينفع أحمل أبدًا.
كان صوته مكسور في التليفون، وبيقولي أنا آسف، كان لازم أكون جنبك، كان لازم ما أسابك، كل ده ذنبي إني سبتك لوحدك. وحماتي اتغيرت تمامًا، كانت بټعيط وتقول سامحيني يا بنتي، ما كانش قصدي أضغط عليكِ، سامحيني لو كنت السبب. وكل الناس كانت بتعاطف معايا، وكل واحد كان بيلوم نفسه أو الظروف، وأنا الوحيدة اللي عارفة إن كل ده كڈب، وإن اللوم مش على حد غيري، وإن الجبل اللي بنيت عليه حياتي كان من ورق.
مرت السنة دي وأنا عايشة فوق بركان، كل دقيقة بتعدي وأنا بدعي ربنا يستر، وكل ما كريم كان بيحضني ويقولي أنتِ أغلى ما أملك، كنت بحس الكلام بېحرق قلبي، وكنت أسأل نفسي أنا بجد بحبه؟ ولا بحب نفسي أكتر؟ أنا ظلمته؟ أنا استاهل حبه ده؟
وكل ما كنت أروح لأختي أشتكي أو أتأكد إن مفيش خطړ، كانت تطمني، وتقولي كل حاجة ماشية تمام، ولا تقلقي، السر بيننا وبين ربنا. وكنت أصدقها، لحد ما جاء