الدواء حكايات مشيره محمد
نصيبه في المشروع
وإنت ضامن إنه هيرجعها
مروان رفع عينه وقال
أنا هرجع كل جنيه يا نهى والله
بصيت له بۏجع
أنا مش زعلانة علشان الفلوس يا مروان أنا زعلانة علشان إنتوا الاتنين قررتوا إني آخر واحدة من حقي أعرف
مروان قرب مني
أنا كنت مكسوف منك
مكسوف مني ليه
لأني فشلت
الكلمة طلعت منه بصعوبة
ولأول مرة من ساعة ما دخلت المكان شفت أخويا مش الراجل اللي كنت بلومه
شفت شخص مكسور وخاېف من إنه يعترف إنه وقع في مشكلة أكبر من قدرته
لكن ده ماكانش معناه إن الكدب بقى مقبول
قلت له
إنت مش أول واحد يخسر فلوسه يا مروان ولا آخر واحد بس كان ممكن تيجي تقولي أنا غلطت وتطلب مساعدتي بدل ما تخليني أعيش شهرين وأنا مش عارفة إيه اللي بيحصل في حياتي
مروان مسح وشه بإيده وقال
عارف إني غلطت
لفيت لحسام
وإنت ليه كنت بتروح هنا كل يوم
رد
علشان نراجع حسابات المشروع ونشوف إزاي نقدر نطلع مروان من الأزمة بأقل خسارة
واللابتوب
عليه الحسابات والعقود
والإجازة اللي موظفة الاستقبال قالت إنك واخدها طول الأسبوع
حسام سكت لحظة وبعدين قال
أنا فعلا واخد إجازة من المكتب
وكنت بتقول لي كل يوم إنك رايح الشغل
نزل عينه
كنت عارف إنك هتسأليني أنا رايح فين وهتقلقي على مروان وتدخلي نفسك في المشكلة وأنا كنت عايز أحلها الأول
قلت له بحدة
إنت مش من حقك تقرر أنا أقلق على إيه وإمتى يا حسام
حاول يمسك إيدي لكني سحبتها
بلاش دلوقتي
خرجت من المبنى وأنا حاسة إني محتاجة هواء
حسام نزل ورايا
نهى استني
وقفت عند عربيتي ولفيت له
أنا عايزة أرجع البيت وأفكر
طب خليني أوصلك
أنا معايا عربيتي
طيب هاجي وراكي
لأ
بص لي بۏجع وقال
إنتي مش واثقة فيا دلوقتي
رديت عليه
أنا مش عارفة أصدق إيه من اللي بتقوله ولا أعرف إيه اللي لسه مخبيه عني
ركبت عربيتي ومشيت
طول الطريق كنت بفكر في كلامه
جزء مني كان مرتاح إن الموضوع مش خېانة بالشكل اللي كنت متخيلاه
لكن الجزء التاني كان موجوع أكتر
لأن الخېانة مش دايما بتكون مع شخص غريب
أحيانا بتكون في قرار بيتاخد من ورا ضهرك
وفي سر بيتخبى عنك
وفي ثقة بتتهز لأن أقرب الناس ليك قرروا إنهم أدرى منك بمصلحتك
لما وصلت البيت فتحت الدولاب اللي بحط فيه الأوراق المهمة وطلعت الملف اللي فيه حساباتنا وعقود الشقة اللي كنا بنخطط نشتريها
قعدت أراجع الأرقام
كان فيه حساب توفير باسمينا وفيه شهادة ادخار كنا عاملينها من حوالي سنة
أنا كنت فاكرة إن المبلغ اللي فيها لسه موجود بالكامل
لكن بعد ما راجعت كشف الحساب لقيت سحوبات وتحويلات أنا ماكنتش أعرف عنها أي حاجة
قلبي بدأ يدق بسرعة
فتحت كشف الحساب الإلكتروني من الموبايل وراجعت التحويلات واحدة واحدة
كان فيه تحويلات متفرقة خلال الشهرين اللي فاتوا
ولما جمعت المبالغ اكتشفت إن الموضوع أكبر من تمنمية ألف جنيه اللي حسام قال عليهم
كان فيه مبلغ تاني اتسحب من حسابنا المشترك
حوالي ميتين وخمسين ألف جنيه
فضلت أبص للأرقام وأنا مش قادرة أستوعب
هو حسام كڈب عليا في المبلغ كمان
في اللحظة دي سمعت صوت الباب
دخل حسام وكان واضح إنه مستعجل
أول ما شاف الأوراق قدامي وقف مكانه
إنتي بتعملي إيه
رفعت كشف الحساب قدامه
براجع فلوسنا يا حسام
بص للأوراق وبعدها قعد قدامي
نهى أنا كنت لسه هقولك
ضحكت بمرارة
كنت هتقولي إمتى بعد ما الفلوس كلها تخلص
المبلغ الزيادة ده مش كله لمروان
سألته
أمال راح فين
حسام اتردد وبعدين قال
فيه جزء اتدفع لمصاريف قانونية وتسوية مع أصحاب المشروع
يعني إيه تسوية
بدأ يحكي إن الشريك القديم لمروان كان سايب التزامات مالية وإن فيه معدات اتباعت بأقل من قيمتها وإن جزء من الفلوس اتدفع علشان يمنعوا الموضوع من إنه يتحول لڼزاع قانوني طويل
لكن