سر الام حكايات منال علي
جنبها خالي محمود.
وجنبهم…
راجل ما أعرفوش.
لكن الراجل ده كان ماسك طفل صغير من إيده.
وعلى ظهر الصورة كان مكتوب بخط أمي:
“ده السبب اللي خلاني أعمل كل ده.”
بصيت لعادل.
مين الطفل ده؟
عادل ما ردش.
فضل ساكت.
قلت بعصبية:
أنا بسألك… مين الطفل ده؟
تنهد وقال:
قبل ما أجاوبك، لازم تعرف إن أختك ريهام…
ما كانتش أول بنت لأمك.
تجمدت ملامحي.
يعني إيه؟
قال:
كان ليها ابن قبل ريهام.
وأنا عمري ما سمعت عن أخ ليا.
عادل بصلي في عيني وقال:
لأن الطفل ده اختفى من العيلة من أكتر من عشرين سنة.
وقتها حسيت إن كل حاجة في حياتي بدأت تتفك قدامي.
أمي.
خالي.
البيت.
الفلوس.
والطفل اللي محدش عمره قال لي عنه.
لكن قبل ما أسأله أي سؤال تاني، موبايلي رن.
كانت دينا.
رديت بسرعة.
ألو؟
صوتها كان مرتعش:
كريم… تعالى بسرعة.
ليه؟
أنا لقيت حاجة في البيت.
إيه؟
سكتت لحظة، وبعدين قالت:
دخلت أوضتك عشان أجيب حاجة من الدولاب…
ولقيت ظرف قديم مستخبي ورا الرف.
فتحت الظرف.#حكايات_منــال_عـلـي
وجوا الظرف…
صورة لواحدة شبه مامتك جدًا.
وتحتها اسم:
“سهير… وأختها التوأم.”
قفلت عيني.
أخت توأم؟
أنا عمري ما سمعت إن أمي ليها توأم.
وفي اللحظة دي، عادل قال جملة خلتني أحس إن اللي جاي أخطر بكتير:
كريم…#حكايات_منــال_عـلـي
لو الصورة اللي عند مراتك هي اللي أنا فاكرها…
يبقى أمك مش الوحيدة اللي كانت بتخبي أسرار عنك.