مش هوافق حكايات مني السيد
يدخل الشقة، ولازم نطلع والدك من بيت عصام النهاردة قبل بكرة!
كلام المحامي ۏلع فينا الحماس والحمية. ركبنا العربية مع طارق، وطيران على المنطقة عندنا.
وصلنا العمارة بتاعة أبويا. العمارة كانت هادية، والشارع رايق في وقت الضهرية. طلعنا على السلم، وأول ما وصلنا الدور التالت عند شقة أبويا، سمعت أصوات جاية من جوة الشقة!
باب شقة أبويا كان مفتوح على آخره!
بصيت لطارق، وطارق بصلي، ودخلنا بسرعة من غير ما نحس.
أول ما دخلت الصالة، اتسمرت مكاني من المنظر البشع اللي شفته.
عفش أمي الله يرحمها… النيش القديم اللي كانت بتلمعه بإيديها كل جمعة، والمفارش المطرزة اللي كانت غالية عليها، وصورنا وإحنا صغيرين… ملمومة ومحطوطة في كراتين على الأرض بإهمال!
وفي نص الصالة، كان واقف عصام أخويا، ومعاه راجل غريب لابس قميص مشجر وپيدخن سجارة، وشيماء مراته واقفة في المطبخ بتطلع الحلل والأطقم الألومنيوم وبتحطها في شناط بلاستيك كبيرة سودا!
الډم غلى في راسي لدرجة حسيت إن نافوخي هيفرقع.
دخلت في نص الصالة وزعقت بأعلى صوت عندي بتعملوا إيه هنا يا حرامية؟! بتنهبوا بيت أبوكم وأمكم وهي لسه ريحتها فيه؟!
الكل اتخض والټفت ليا. عصام اتفاجئ بوجودي، وشه جاب ألوان في الأول، بس بسرعة استعاد وشه الخبيث وقناع الجبروت، ورمى المفاتيح اللي في إيده على السفرة وقال بزعيق إنتِ إزاي تدخلي الشقة كدة من غير استئذان يا هدى؟! وإيه الألفاظ دي؟ إنتِ اټجننتي؟!
شيماء خرجت من المطبخ وهي ماسكة في إيدها حلة صاج قديمة، وبصتلي بكره وقالت حرامية مين يا ست هدى؟ احترمي نفسك ولمي لسانك! إحنا في ملكنا وبنروق الشقة عشان الزباين، ملكيش دعوة بحاجة متخصكيش!
طارق دخل وقفل الباب وراه بالترباس، ووقف قدام عصام زي الجبل ملك مين يا حيلتها إنتِ وهي؟ الراجل اللي واقف ده مين؟
الراجل اللي ماسك السجارة ارتبك ورمى السجارة في الأرض وداس عليها وقال يا جماعة صلوا على النبي، أنا السمسار، الأستاذ عصام مكلمني عشان في ناس عرسان عايزين يستأجروا الشقة مفروش، وأنا جاي أعاين العفش والشقة، ماليش دعوة بمشاكلكم العائلية دي!
قربت من السمسار وصړخت في وشه اطلع برة يا راجل إنت! الشقة دي مش للإيجار ولا للبيع، وصاحبها عايش ومحدش يقدر يهوب ناحيتها، ولو رجلك خطت هنا تاني هعملك محضر تهجم واقټحام!
السمسار بص لعصام وقال بزهق يا عم عصام، إنت قولتلي الورق خالص ومفيش مشاكل وورثة! أنا مش بتاع ۏجع دماغ، لما تخلصوا حواراتكم ابقوا كلموني!
ولف وشه وجري على برة وساب الباب مفتوح وراه.
عصام اټجنن لما شاف السمسار مشي والبيعة باظت، قرب مني وعينيه بتطق شرار، ورفع إيده في وشي وهو بيزعق إنتِ بتخربي عليا يا هدى؟! والله ما هسيبك، الشقة دي بتاعتي وأنا هأجرها ڠصب عن عينك وعين اللي يتشددلك!
طارق مسك إيد عصام اللي كانت مرفوعة في وشي ولواها لورا بحركة سريعة وثبته في مكانه إيدك دي لو اترفعت على أختك تاني هكسرهالك يا عصام! فوق لنفسك واعرف إنت بتكلم مين! إنت فاكرنا نايمين على ودانا وموعيينش للي بتعمله؟ إحنا جايين من البوستة يا واطي، وعارفين الميتين وستين ألف جنيه اللي لهفتهم من ورا ضهر أبوك، وعارفين التوكيل اللي مضيته عليه بالخديعة والزور!
عصام وشه اتقلب أصفر زي الكركم، ونظرته اتهزت للحظة لما سمع سيرة البوستة والتوكيل. كان فاكر إن الموضوع مستخبي ومحدش هيعرف يوصل لحاجة.
بس شيماء، بحقدها وخبثها، صوتت وبدأت تلم الجيران الحقوناااااي! التهجم على بيتنا! الراجل الغريب جاي يضرب جوزي في بيته عشان